【場地點樣】11月壓軸夜賽掛牌好至快地

跑馬地馬場今晚舉行草地夜賽，9場賽事編於晚上6時40分展開角逐，是次賽事將會以最窄C欄進行角逐，就今晨場地預測，掛牌「好至快地」，度地儀指數2.71。

跑完今期夜賽，下周三就會進入國際賽揭幕高潮，一年一度國際騎師錦標賽盛事，為保養全闊賽道迎接稍後大戰，今晚先以最窄C跑道進行競逐，雖然跑道收窄，但以改鋪冬草後兩條跑道狀況理想，近幾次谷戰直路亦沒有大太偏差情況。

谷草C跑道今季用得最少，皆因打風取消賽事，其後改鋪冬草移師泥戰，實際就只編排舉行今季唯一谷草日賽，數據參考不大，當日賽果又係集中於潘頓與布文兩位澳洲大哥大身上，分別中三元及起孖。

結合上季谷草C欄表現，排頭位卻係取得9W嘅蔡明紹，以佢嘅靈活走位，今晚5匹坐騎幾有冷味，而呢晚焦點，自然落響華洋合共4位騎師身上，爭取騎師賽最後兩席位，布文跑C欄固然係叫緊胡力謀反先，至於兩位華將方面，上季以至新季唯一C欄賽事成績，都係何澤堯秤先啲，又睇吓佢係咪可以把握到最後領先優勢。