專攻中京競馬場　巴度兩日共有7匹坐騎

我哋《東網》馬經報道今個暑假去日本客串嘅法國好手巴度，原來係由大馬主吉田勝己亦曾擔任其契約馬主，認真巴閉。根據日本中央競馬會公布嚟緊周末、日兩天賽事嘅排位表，巴度一連兩日都係喺中京競馬場上陣，聽日只得2駒，後日就有5匹坐騎，合共騎7駒。

巴度聽日首匹坐騎係坂口智康訓練嘅3歲馬Saccarello，6次出賽全負，今次出戰一場只限3歲未勝利賽駒參與嘅泥地1200米賽事，另一匹坐騎Jovian嘅馬主就係吉田和美。

至於周日5匹坐駒中，最矚目當然係出戰1400米泥地三級賽東海錦標嘅A Tracks，而由池江泰壽訓練嘅Mediterranean，3戰得1冠1季，今次跑一場2000米草地賽，睇吓能否為巴度帶來進帳。