潘頓去咗艾兆禮祖家度假！

抖暑時間，唔少騎師出外遊玩休息，當中8屆冠軍騎師潘頓，早已透露今個暑假會去歐遊。佢嘅第1站就去咗意大利首都羅馬，之後就去咗艾兆禮祖家，意大利薩丁島嘅度假村，騎者仲陪仔女去玩劍擊、踢波、卡丁車等活動，實行一家4口都有得玩！潘頓似乎都好享受當地嘅陽光同天氣，不停喺Instagram鋪相～

另一邊廂，田泰安家人喺今個暑假去咗瑞士日內瓦，除咗放假之外，仲順便慶祝結婚周年紀念，依家有埋囡囡Isabelle一齊慶祝，自然開心！田泰安下個月就會前往英國雅士谷馬場出戰識價盃。