重獲建測羣英帥印　周同學要食尾胡

同出道早期比較，周俊樂今季初嘅成績真係有啲乏善足陳，暫是只得4W，對上一次贏馬已經數到喺10月6號嘅「運高八斗」，接近兩個月未進帳，情況有少少令人擔心，始終對年輕華將嚟講，今次的確係考驗嘅，嚟到聽晚谷戰，周同學難得有7匹坐騎，更重要係尾場三班谷草1800米重獲「建測羣英」帥印，肯定會盡拚。

「建測羣英」上季第2次出賽喺陳嘉熙胯下建功後，就主要由周俊樂執韁，結果再贏3仗，人馬非常合拍，但自從上季尾輸咗場三班谷草1800米後，此駒今季3戰先後由田泰安、潘頓執韁，可惜只得1亞，剛戰更因為踩中「喜蓮勇略」後蹄後大敗而回。

復課後希斯先讓「建測羣英」上從化操練，最近返回沙田交由周俊樂試返課泥閘，走勢唔差，今次抽3檔好位，增程跑1800米問題亦唔大，睇吓能否幫Jerry食尾胡啦。