騎練着晒火　明晚攜手再搶頭胡

鄭俊偉甫開季又以五班馬開火，分別以「讓愛高飛」與「桃花多」包辦一口五班孖寶，明晚乘勝追擊，咁啱頭兩場五班賽事，馬房都有馬匹列陣，而且都係餐士面，呢個部署都應該唔只巧合咁簡單。

以新季首戰，佢同梁家俊嘅合作，即刻擦出火花，以「讓愛高飛」先聲奪人，齊響頭炮，如非Derek過磅，「但求開心」益咗班德禮，騎練隨時都係開心起孖，但無論如何，兩人開個靚頭，搏起馬上嚟自然特別醒神。

今次佢哋攜手頭場出戰嘅「木火龍駒」，人馬更加係力爭跨季孖寶，以今季米高部署，就係開季並未安排馬匹試大閘，保留體力響陣上搏殺，跑過首戰呢招睇嚟相當煞食，加上去季米高就以「木火兄弟」開齋，今次又睇吓呢匹同幕後嘅「木火龍駒」，係咪又響谷草開鑼夜賽再響頭炮。

至於另一匹五班廐侶「星運浩騰」，上季尾加盟跑過一場，經過暑期充足休息，配合馬房強勢回歸，觀感當然弗番晒，呢匹馬亦係谷草一哩起家，火車向前衝，呢場一樣都係擺明車馬。